Ps 44
Ps 44
Ps 44.1
victori pro liliis filiorum Core eruditionis canticum amantissimi
Ps 44.2
eructavit cor meum verbum bonum dico ego opera mea regi lingua mea stilus scribae velocis
Ps 44.3
decore pulchrior es filiis hominum effusa est gratia in labiis tuis propterea benedixit tibi Deus in aeternum
Ps 44.4
accingere gladio tuo super femur fortissime
Ps 44.5
gloria tua et decore tuo decore tuo prospere ascende propter veritatem et mansuetudinem iustitiae et docebit te terribilia dextera tua
Ps 44.6
sagittae tuae acutae populi sub te cadent in corde inimicorum regis
Ps 44.7
thronus tuus Deus in saeculum et in aeternum sceptrum aequitatis sceptrum regni tui
Ps 44.8
dilexisti iustitiam et odisti iniquitatem propterea unxit te Deus Deus tuus oleo exultationis prae participibus tuis
Ps 44.9
zmyrna et stacte et cassia in cunctis vestimentis tuis de domibus eburneis quibus laetificaverunt te
Ps 44.10
filiae regum in honore tuo stetit coniux in dextera tua in diademate aureo
Ps 44.11
audi filia et vide et inclina aurem tuam et obliviscere populi tui et domus patris tui
Ps 44.12
et concupiscet rex decorem tuum quia ipse est dominus tuus et adora eum
Ps 44.13
et o filia fortissimi in muneribus faciem tuam deprecabuntur divites populi
Ps 44.14
omnis gloria filiae regis intrinsecus fasceis aureis vestita est
Ps 44.15
in scutulatis ducetur ad regem virgines sequentur eam amicae eius ducentur illuc
Ps 44.16
ducentur in laetitiis et exultatione ingredientur thalamum regis
Ps 44.17
pro patribus tuis erunt filii tibi pones eos principes in universa terra
Ps 44.18
recordabor nominis tui in omni generatione et generatione propterea populi confitebuntur tibi in saeculum et in aeternum
Arcanum Newspapers
See what the newspapers have said about this subject in the last 250 years!
Show me
