Ps 56 | Biblia (Vulgata editionis)

Ps 56

Ps 56.1

pro victoria ut non disperdas David humilem et simplicem quando fugit a facie Saul in spelunca

Ps 56.2

miserere mei Deus miserere mei quoniam in te sperat anima mea in umbra alarum tuarum sperabo donec transeant insidiae

Ps 56.3

invocabo Deum altissimum Deum ultorem meum

Ps 56.4

mittet de caelo et salvabit me exprobrabit conculcantibus me semper mittet Deus misericordiam suam et veritatem suam

Ps 56.5

anima mea in medio leonum dormivit ferocientium filii hominum dentes eorum lancea et sagittae et lingua eorum gladius acutus

Ps 56.6

exaltare super caelos Deus in omni terra gloria tua

Ps 56.7

rete paraverunt gressibus meis ad incurvandam animam meam foderunt ante me foveam ceciderunt in medium eius semper

Ps 56.8

paratum cor meum Deus paratum cor meum cantabo et psallam

Ps 56.9

surge gloria mea surge psalterium et cithara surgam mane

Ps 56.10

confitebor tibi in populis Domine cantabo tibi in gentibus

Ps 56.11

quia magna usque ad caelos misericordia tua et usque ad nubes veritas tua

Ps 56.12

exaltare super caelos Deus in omni terra gloria tua

See what the newspapers have said about this subject in the last 250 years!