Ps 63 | Biblia (Vulgata editionis)

Ps 63

Ps 63.1

victori canticum David

Ps 63.2

audi Deus vocem meam loquentis a timore inimici serva vitam meam

Ps 63.3

absconde me a consilio malignorum a tumultu operantium iniquitatem

Ps 63.4

qui exacuerunt quasi gladium linguam suam tetenderunt sagittam suam verbum amarissimum

Ps 63.5

ut sagittarent in absconditis simplicem

Ps 63.6

subito sagittabunt eum et non timebunt confortaverunt sibi sermonem pessimum narraverunt ut absconderent laqueos dixerunt quis videbit nos

Ps 63.7

scrutati sunt iniquitates defecerunt scrutantes scrutinio cogitationibus singulorum et corde profundo

Ps 63.8

sagittabit ergo eos Deus iaculo repentino inferentur plagae eorum

Ps 63.9

et corruent in semet ipsos linguis suis fugient omnes qui viderint eos

Ps 63.10

et timebunt omnes homines et adnuntiabunt opus Dei et opera eius intellegent

Ps 63.11

laetabitur iustus in Domino et sperabit in eo et exultabunt omnes recti corde

See what the newspapers have said about this subject in the last 250 years!