Ps 74 | Biblia (Vulgata editionis)

Ps 74

Ps 74.1

victori ut non disperdas psalmus Asaph cantici

Ps 74.2

confitebimur tibi Deus confitebimur et iuxta nomen tuum narrabunt mirabilia tua

Ps 74.3

cum accepero tempus ego iustitias iudicabo

Ps 74.4

dissolvetur terra cum omnibus habitatoribus suis ego adpendi columnas eius semper

Ps 74.5

dixi inique agentibus nolite inique agere et impiis nolite exaltare cornu

Ps 74.6

nolite exaltare in excelsum cornu vestrum loquentes in cervice veteri

Ps 74.7

quia nec ab oriente neque ab occidente neque a solitudine montium

Ps 74.8

sed Deus iudex hunc humiliabit et hunc exaltabit

Ps 74.9

quia calix in manu Domini est et vino meraco usque ad plenum mixtus et propinabit ex eo verumtamen feces eius epotabunt bibentes omnes impii terrae

Ps 74.10

ego autem adnuntiabo in sempiternum cantabo Deo Iacob

Ps 74.11

et omnia cornua impiorum confringam exaltabuntur cornua iusti

See what the newspapers have said about this subject in the last 250 years!