Ps 76
Ps 76
Ps 76.1
victori per Idithun psalmus Asaph
Ps 76.2
voce mea ad Dominum clamavi voce mea ad Dominum et exaudivit me
Ps 76.3
in die tribulationis meae Dominum requisivi manus mea nocte extenditur et non quiescit noluit consolari anima mea
Ps 76.4
recordans Dei conturbabar loquebar in memet ipso et deficiebat spiritus meus semper
Ps 76.5
prohibebam suspectum oculorum meorum stupebam et non loquebar
Ps 76.6
recogitabam dies antiquos annos pristinos
Ps 76.7
recordabar psalmorum meorum in nocte cum corde meo loquebar et scobebam spiritum meum
Ps 76.8
ergone in aeternum proiciet Dominus et non repropitiabitur ultra
Ps 76.9
ergone conplebit usque in finem misericordiam suam consummabit verbum de generatione et generatione
Ps 76.10
numquid oblitus est misereri Deus aut conplebit in furore misericordias suas semper
Ps 76.11
et dixi inbecillitas mea est haec commutatio dexterae Excelsi
Ps 76.12
recordabor cogitationum Domini reminiscens antiqua mirabilia tua
Ps 76.13
et meditabor in omni opere tuo et adinventiones tuas loquar
Ps 76.14
Deus in sanctuario via tua quis deus magnus ut Deus
Ps 76.15
tu es Deus faciens mirabilia ostendens in populis potentiam tuam
Ps 76.16
redemisti in brachio populum tuum filios Iacob et Ioseph semper
Ps 76.17
videntes te aquae Deus videntes te aquae parturierunt et commotae sunt abyssi
Ps 76.18
excusserunt aquas nubila vocem dederunt nubes et sagittae tuae discurrebant
Ps 76.19
vox tonitrui tui in rota apparuerunt fulgora tua orbi concussa est et commota est terra
Ps 76.20
in mari via tua et semitae tuae in aquis multis et vestigia tua non sunt agnita
Ps 76.21
deduxisti quasi gregem populum tuum in manu Mosi et Aaron
Arcanum Newspapers
See what the newspapers have said about this subject in the last 250 years!
Show me
