Ps 8 | Biblia (Vulgata editionis)

Ps 8

Ps 8.1

victori pro torcularibus canticum David

Ps 8.2

Domine Dominator noster quam grande est nomen tuum in universa terra qui posuisti gloriam tuam super caelos

Ps 8.3

ex ore infantium et lactantium perfecisti laudem propter adversarios meos ut quiescat inimicus et ultor

Ps 8.4

videbo enim caelos tuos opera digitorum tuorum lunam et stellas quae fundasti

Ps 8.5

quid est homo quoniam recordaris eius vel filius hominis quoniam visitas eum

Ps 8.6

minues eum paulo minus a Deo gloria et decore coronabis eum

Ps 8.7

dabis ei potestatem super opera manuum tuarum

Ps 8.8

cuncta posuisti sub pedibus eius oves et armenta omnia insuper et animalia agri

Ps 8.9

aves caeli et pisces maris qui pertranseunt semitas ponti

Ps 8.10

Domine Dominator noster quam grande est nomen tuum in universa terra

See what the newspapers have said about this subject in the last 250 years!