וַיַּעַן אֱלִיהוּא וַיֺּאמַר׃
שִׁמְעוּ חֲכָמִים מִלָּי וְיֺדְעִים
הַאֲזִינוּ לִי׃
כִּי־אֹזֶן מִלִּין תִּבְחָן וְחֵך
יִטְעַם לֶאֱכֹל׃
מִשְׁפָּט נִבְחֲרָה־לָּנוּ נֵדְעָה בֵינֵינוּ
מַה־טּוֺב׃
כִּי־אָמַר אִיֺּוב צָדַקְתִּי וְאֵל
הֵסִיר מִשְׁפָּטִי׃
עַל־מִשְׁפָּטִי אֲכַזֵּב אָנוּשׁ חִצִּי
בְלִי־פָשַׁע׃
מִי־גֶבֶר כְּאִיֺּוב יִשְׁתֶּה־לַּעַג
כַּמָּיִם׃
וְאָרַח לְחֶבְרָה עִמ־פֹּעֲלֵי אָוֶן
וְלָלֶכֶת עִמ־אַנְשֵׁי־רֶשַׁע׃
כִּי־אָמַר לֹא יִסְכָּנ־גָּבֶר בִּרְצֹתוֺ
עִמ־אֱלֹהִים׃
לָכֵן אַנְַשֵׁי לֵבָב שִׁמְעוּ לִי
חָלִלָה לָאֵל מֵרֶשַׁע וְשַׁדַּי מֵעָוֶל׃
כִּי פֹעַל אָדָם יְשַׁלֶּמ־לוֺ וּכְאֹרַח
אִישׁ יַמְצִאֶנּוּ׃
אַפ־אָמְנָם אֵל לֹא־יַרְשִׁיעַ וְשַׁדַּי
לֹא־יְעַוֵּת מִשְׁפָּט׃
מִי־פָקַד עָלָיו אָרְצָה וּמִי
שָׂם תֵּבֵל כֻּלָּהּ׃
אִמ־יָשִׂים אֵלָיו לִבּוֺ רוּחוֺ
וְנִשְׁמָתוֺ אֵלָיו יֶאֱסֹף׃
יִגְוַע כָּל־בָּשָׂר יָחַד וְאָדָם
עַל־עָפָר יָשׁוּב׃
וְאִמ־בִּינָה שִׁמְעָה־זֺּאת הַאֲזִינָה
לְקוֺל מִלָּי׃
הַאַף שׂוֺנֵא מִשְׁפָּט יַחֲבוֺשׁ וְאִמ־צַדִּיק
כַּבִּיר תַּרְשִׁיעַ׃
הַאֲמֹר לְמֶלֶך בְּלִיָּעַל רָשָׁע אֶל־נְדִיבִים׃
אֲשֶׁר לֹא־נָשָׂא פְּנֵי שָׂרִים וְלֹא
נִכַּר־שׁוֺעַ לִפְנֵי־דָל כִּי־מַעֲשֵׂה
יָדָיו כֻּלָּם׃
רֶגַע יָמֻתוּ וַחֲצוֺת לָיְלָה יְגֺעֲשׁוּ
עָם וְיַעֲבֹרוּ וְיָסִירוּ אַבִּיר
לֹא בְיָד׃
כִּי־עֵינָיו עַל־דַּרְכֵי־אִישׁ
וְכָל־צְעָדָיו יִרְאֶה׃
אֵינ־חֹשֶׁך וְאֵין צַלְמָוֶת לְהִסָּתֶר
שָׁם פֹּעֲלֵי אָוֶן׃
כִּי לֹא עַל־אִישׁ יָשִׂים עוֺד
לַהֲלֹך אֶל־אֵל בַּמִּשְׁפָּט׃
יָרֹעַ כַּבִּירִים לֹא־חֵקֶר וַיַּעֲמֵד
אֲחֵרִים תַּחְתָּם׃
לָכֵן יַכִּיר מַעְבָּדֵיהֶם וְהָפַך
לַיְלָה וְיִדַּכָּאוּ׃
תַּחַת־רְשָׁעִים סְפָקָם בִּמְקוֺם
רֹאִים׃
אֲשֶׁר עַל־כֵּן סָרוּ מֵאַחֲרָיו
וְכָל־דְּרָכָיו לֹא הִשְׂכִּילוּ׃
לְהָבִיא עָלָיו צַעֲקַת־דָּל וְצַעֲקַת
עֲנִיִּים יִשְׁמָע׃
וְהוּא יַשְׁקִט וּמִי יַרְשִׁעַ וְיַסְתֵּר
פָּנִים וּמִי יְשׁוּרֶנּוּ וְעַל־גֺּוי
וְעַל־אָדָם יָחַד׃
מִמְּלֹך אָדָם חָנֵף מִמֹּקְשֵׁי עָם׃
כִּי־אֶל־אֵל הֶאָמַר נָשָׂאתִי לֹא
אֶחְבֹּל׃
בִּלְעֲדֵי אֶחֱזֶה אַתָּה הֹרֵנִי אִמ־עָוֶל
פָּעַלְתִּי לֹא אֹסִיף׃
הַמֵעִמְּךָ יְשַׁלְמֶנָּה כִּי־מָאַסְתָּ
כִּי־אַתָּה תִבְחַר וְלֹא־אָנִי
וּמַה־יָדַעְתָּ דַבֵּר׃
אַנְשֵׁי לֵבָב יֺאמְרוּ לִי וְגֶבֶר
חָכָם שֹׁמֵעַ לִי׃
אִיֺּוב לֹא־בְדַעַת יְדַבֵּר וּדְבָרָיו
לֹא בְהַשְׂכֵּיל׃
אָבִי יִבָּחֵן אִיֺּוב עַד־נֶצַח
עַל־תְּשֻׁבֹת בְּאַנְשֵׁי־אָוֶן׃
כִּי יֺסִיף עַל־חַטָּאתוֺ פֶשַׁע
בֵּינֵינוּ יִסְפּוֺק וְיֶרֶב אֲמָרָיו
לָאֵל׃ ס