מֹאזְנֵי מִרְמָה תּוֺעֲבַת יְהוָה
וְאֶבֶן שְׁלֵמָה רְצוֺנֺו׃
בָּא־זָדוֺן וַיָּבֹא קָלוֺן וְאֶת־צְנוּעִים
חָכְמָה׃
תֻּמַּת יְשָׁרִים תַּנְחֵם וְסֶלֶף בּוֺגְדִים 1 וְשַׁדָּם 2 יְשָׁדֵּם׃
לֹא־יֺועִיל הוֺן בְּיֺום עֶבְרָה
וּצְדָקָה תַּצִּיל מִמָּוֶת׃
צִדְקַת תָּמִים תְּיַשֵּׁר דַּרְכּוֺ וּבְרִשְׁעָתוֺ
יִפֹּל רָשָׁע׃
צִדְקַת יְשָׁרִים תַּצִּילֵם וּבְהַוַּת
בֹּגְדִים יִלָּכֵדוּ׃
בְּמוֺת אָדָם רָשָׁע תֹּאבַד תִּקְוָה
וְתוֺחֶלֶת אוֺנִים אָבָדָה׃
צַדִּיק מִצָּרָה נֶחֱלָץ וַיָּבֹא
רָשָׁע תַּחְתָּיו׃
בְּפֶה חָנֵף יַשְׁחִת רֵעֵהוּ וּבְדַעַת
צַדִּיקִים יֵחָלֵצוּ׃
בְּטוּב צַדִּיקִים תַּעֲלֹץ קִרְיָה
וּבַאֲבֹד רְשָׁעִים רִנָּה׃
בְּבִרְכַּת יְשָׁרִים תָּרוּם קָרֶת
וּבְפִי רְשָׁעִים תֵּהָרֵס׃
בָּז־לְרֵעֵהוּ חֲסַר־לֵב וְאִישׁ
תְּבוּנֺות יַחֲרִישׁ׃
הוֺלֵך רָכִיל מְגַלֶּה־סּוֺד וְנֶאֱמַנ־רוּחַ
מְכַסֶּה דָבָר׃
בְּאֵין תַּחְבֻּלוֺת יִפָּל־עָם וּתְשׁוּעָה
בְּרֹב יֺועֵץ׃
רַע־יֵרוֺעַ כִּי־עָרַב זָר וְשֹׂנֵא
תֹקְעִים בּוֺטֵחַ׃
אֵשֶׁת־חֵן תִּתְמֹך כָּבוֺד וְעָרִיצִים
יִתְמְכוּ־עֹשֶׁר׃
גֺּמֵל נַפְשׁוֺ אִישׁ חָסֶד וְעֹכֵר
שְׁאֵרוֺ אַכְזָרִי׃
רָשָׁע עֹשֶׂה פְעֻלַּת־שָׁקֶר וְזֺרֵעַ
צְדָקָה שֶׂכֶר אֱמֶת׃
כֵּנ־צְדָקָה לְחַיִּים וּמְרַדֵּף רָעָה
לְמוֺתוֺ׃
תּוֺעֲבַת יְהוָה עִקְּשֵׁי־לֵב וּרְצוֺנֺו
תְּמִימֵי דָרֶך׃
יָד לְיָד לֹא־יִנָּקֶה רָּע וְזֶרַע
צַדִּיקִים נִמְלָט׃
נֶזֶם זָהָב בְּאַף חֲזִיר אִשָּׁה
יָפָה וְסָרַת טָעַם׃
תַּאֲוַת צַדִּיקִים אַכְ־טוֺב תִּקְוַת
רְשָׁעִים עֶבְרָה׃
יֵשׁ מְפַזֵּר וְנֺוסָף עוֺד וְחוֺשֵׂך
מִיֺּשֶׁר אַכְ־לְמַחְסוֺר׃
נֶפֶשׁ־בְּרָכָה תְדֻשָּׁן וּמַרְוֶה גַּמ־הוּא
יֺורֶא׃
מֹנֵעַ בָּר יִקְּבֻהוּ לְאוֺם וּבְרָכָה
לְרֹאשׁ מַשְׁבִּיר׃
שֹׁחֵר טוֺב יְבַקֵּשׁ רָצוֺן וְדֹרֵשׁ
רָעָה תְבוֺאֶנּוּ׃
בּוֺטֵחַ בְּעָשְׁרוֺ הוּא יִפֹּל וְכֶעָלֶה
צַדִּיקִים יִפְרָחוּ׃
עוֺכֵר בֵּיתוֺ יִנְחַל־רוּחַ וְעֶבֶד
אֱוִיל לַחֲכַמ־לֵב׃
פְּרִי־צַדִּיק עֵץ חַיִּים וְלֹקֵחַ
נְפָשׂוֺת חָכָם׃
הֵן צַדִּיק בָּאָרֶץ יְשֻׁלָּם אַף
כִּי־רָשָׁע וְחוֺטֵא׃