Nr. 377. (130.)
Nr. 377. (130.)
EDD.: Ed.pr. p.F3r-F3v. Bel p.222. Fejér VII/1 p.200 (nr. 165). Endlicher p.672-673. Kandra p.248. Karácsonyi - Borovszky p.300-301. TRANSL.: Kandra p.249.
Domina Margaretha, uxor quondam Torcunca comitis habens terram hęreditariam nomine Gilianus ex donatione patris eius, videlicet Forcasii et fratrum suorum, scilicet Ioannis et Pauli, mortuo patre suo et marito, inconsultis fratribus suis donavit eandem terram cruciferis Sancti Ioannis Baptiste. Fratres autem eius prędicti duxerunt eam in causam ante regem Andream dicentes non licere ei quoquo modo alienare terram illam aliis, cum ipsi sint commetanei et ipsa terra sit eis hęreditaria. Rex itaque cum principibus suis id ipsum senciens dato pristaldo nomine Fonchuca, fratre Heym pręcepit terram illam venundari prędictis prędictę dominę fratribus. Qui cum iam dicto pristaldo venientes Varadinum dederunt cruciferis pręfatis pro sępe iam dicta terra precium secundum ęstimationem regni viginti et duas marcas fertone minus et terram in eorum ius regis auctoritate revolutam testimonio nostri capituli Varadiensis sibi fecerunt adscribi.
Arcanum Newspapers
See what the newspapers have said about this subject in the last 250 years!
Show me
){kind=link}
){kind=link}