Nr. 112. (174.)
Nr. 112. (174.)
EDD.: Ed.pr. p.H3v-H4r. Bel p.231-232. Fejér VII/1 p.202-203 (nr. 167). Endlicher p.685. Kandra p.294-298. Karácsonyi - Borovszky p.193-194. CD Slov. I p.153 (nr. 193). TRANSL.: Kandra p.295-299.
Valerianus cantor, Michael custos, Gerardus decanus, Ioachin et Moust, archidiaconus Varadiensis et omnes alii universis, quibus litere praesentes exhibentur, salutem in Domino. Venit ad nos in septimana Exurge quidam pristaldus, ut ipse dixit de se, nomine Bolosoy de villa Bobona cum quibusdam villanis de Yku, scilicet Roma, Syca, Sumoz et Olodaro et dixit, quod universi villani de Horz et de Erdev et de Zehtu et de Bala et de Quer et de Zaka et de Barca coadiuvantibus Novi Castri ioubagionibus, scilicet Iordano, praefecto castri et Poson archiprecone impeciissent praenominatos quattuor villanos de Iku et item Laurencium, Cyubam, Forcos et Somotam, quod essent quidem ioubagiones, sed de castrensibus exempti. Illi autem dixerunt naturales ioubagiones esse, qui scilicet liberi Sancti Regis nuncupantur, coadiuvantibus eos, ut idem pristaldus dixit, ioubagionibus praefati castri, scilicet Forcos, principe exercitus, Soma, Vidard, Ioanne, Zolos, Leustach, Iacobo archiprecone. Quos Michael, curialis comes de Heues ex praecepto domini sui, Alexandri comitis de Novo Castro, ut pristaldus dixit, discuciens misit Varadinum, ubi praedictus pristaldus et item Roma, Syca, Sumoz et Olodar et quidam ioubagio castri, nomine Georgius missus, ut ipse dixit, a Forcos, principe exercitus et coadiutoribus suis, fuerunt in termino, scilicet ebdomada Exurge. Adversarii vero eorum non comparuerunt et supradictus pristaldus dixit, quod iudex praefatus, scilicet Michael pro convicta et condemnata parte haberi mandasset eam partem, quae non veniret, sed nos hoc nescimus.
Arcanum Newspapers
See what the newspapers have said about this subject in the last 250 years!
Show me
){kind=link}
){kind=link}