Eccl 44

Teljes szövegű keresés

Eccl 44
Eccl 44.1
laus patrum laudemus viros gloriosos et parentes nostros in generatione sua
Eccl 44.2
multam gloriam fecit Dominus magnificentia sua a saeculo
Eccl 44.3
dominantes in potestatibus suis homines magni virtute et prudentia sua praediti nuntiantes in dignitate prophetarum
Eccl 44.4
et imperantes in praesenti populo et virtute prudentiae populi sanctissima verba
Eccl 44.5
in pueritia sua requirentes modos musicos et narrantes carmina in scriptura
Eccl 44.6
homines divites in virtute pulchritudinis studium habentes pacificantes in domibus suis
Eccl 44.7
omnes isti in generationibus gentis suae gloriam adepti sunt et in diebus suis habentur in laudibus
Eccl 44.8
qui de illis nati sunt reliquerunt nomen narrandi laudes eorum
Eccl 44.9
et sunt quorum non est memoria perierunt quasi non fuerint et nati sunt quasi non nati et filii ipsorum cum illis
Eccl 44.10
sed illi viri misericordiae sunt quorum pietates non defuerunt
Eccl 44.11
et cum semine ipsorum perseverat bona
Eccl 44.12
hereditas nepotum illorum et in testamentis stetit semen eorum
Eccl 44.13
et filii ipsorum propter illos usque in aeternum manet semen eorum et gloria eorum non derelinquetur
Eccl 44.14
corpora ipsorum in pace sepulta sunt et nomen eorum vivet in generationes et generationes
Eccl 44.15
sapientiam ipsorum narrent populi laudem eorum nuntiet ecclesia
Eccl 44.16
Enoch placuit Deo et translatus est in paradiso ut det gentibus paenitentiam
Eccl 44.17
Noe inventus est perfectus iustus et in tempore iracundiae factus est reconciliatio
Eccl 44.18
ideo dimissum est reliquum terrae cum factum est diluvium
Eccl 44.19
testamenta saeculi posita sunt apud illum ne deleri possit diluvio omnis caro
Eccl 44.20
Abraham magnus pater multitudinis gentium et non est inventus similis illi in gloria qui conservavit legem Excelsi et fuit in testamento cum illo
Eccl 44.21
in carne eius stare fecit testamentum et in temptatione inventus est fidelis
Eccl 44.22
ideo iureiurando dedit illi semen in gente sua crescere illum quasi terrae cumulum
Eccl 44.23
et ut stellas exaltare semen eius et hereditari illos a mari usque ad mare et a Flumine usque ad terminos terrae
Eccl 44.24
et in Isaac eodem fecit modo propter Abraham patrem ipsius
Eccl 44.25
benedictionem omnium gentium dedit illi et testamentum confirmavit super caput Iacob
Eccl 44.26
agnovit eum in benedictionibus suis et dedit illi hereditatem et divisit ei partem in tribus duodecim
Eccl 44.27
et conservavit illis homines misericordiae invenientes gratiam in oculis omnis carnis

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages