1Mach 14

Teljes szövegű keresés

1Mach 14
1Mach 14.1
anno centesimo septuagesimo secundo et congregavit rex Demetrius exercitus suos et abiit Mediam ad contrahenda sibi auxilia et expugnare Tryfonem
1Mach 14.2
et audivit Arsaces rex Persidis et Mediae quia intravit Demetrius confines suos et misit unum de principibus suis ut conprehenderent eum vivum et adducerent eum ad se
1Mach 14.3
et abiit et percussit castra Demetrii et conprehendit eum et duxit eum ad Arsacen et posuit eum in custodiam
1Mach 14.4
et siluit terra Iuda omnibus diebus Simonis et quaesivit bona genti suae et placuit illis potestas eius et gloria eius omnibus diebus
1Mach 14.5
et cum omni gloria sua accepit Ioppen in portum et fecit introitum in insulis maris
1Mach 14.6
et dilatavit fines gentis suae et obtinuit regionem
1Mach 14.7
et congregavit captivitatem multam et dominatus est Gazarae et Bethsurae et arci et abstulit inmunditias ex ea et non erat qui resisteret ei
1Mach 14.8
et unusquisque colebat terram suam cum pace et terra dabat fructus suos et ligna camporum fructum suum
1Mach 14.9
seniores in plateis sedebant omnes et de bonis terrae tractabant et iuvenes induebant se gloriam et stolas belli
1Mach 14.10
civitatibus tribuebat alimonias et constituebat eas ut essent vasa munitionis quoadusque nominatum est nomen gloriae eius usque ad extremum terrae
1Mach 14.11
fecit pacem super terram et laetatus est Israhel laetitia magna
1Mach 14.12
et sedit unusquisque sub vite sua et sub ficulnea nec erat qui eos terreret
1Mach 14.13
defecit inpugnans eos super terram reges contriti sunt in diebus illis
1Mach 14.14
et confirmavit omnes humiles populi sui et legem exquisivit et abstulit omnem iniquum et malum
1Mach 14.15
sancta glorificavit et multiplicavit vasa sanctorum
1Mach 14.16
et auditum est Romae quia defunctus est Ionathas et usque in Sparta et contristati sunt valde
1Mach 14.17
ut audierunt autem quod Simon frater eius factus esset summus sacerdos loco eius et ipse obtineret regionem et civitates in ea
1Mach 14.18
scripserunt ad eum tabulis aereis ut renovaret amicitias et societatem quam fecerunt cum Iuda et Ionatha fratribus eius
1Mach 14.19
et lectae sunt in conspectu ecclesiae in Hierusalem et hoc exemplum epistularum quas miserunt Spartiatae
1Mach 14.20
Spartianorum princeps et civitatis Simoni sacerdoti magno et senioribus et sacerdotibus et reliquo populo Iudaeorum fratribus salutem
1Mach 14.21
legati qui missi sunt ad populum nostrum nuntiaverunt nobis de vestra gloria et honore ac laetitia et gavisi sumus in introitu eorum
1Mach 14.22
et scripsimus quae ab ipsis erant dicta in conciliis populi sic Numenius Antiochi et Antipater Iasonis filius legati Iudaeorum venerunt ad nos renovantes nobiscum amicitiam
1Mach 14.23
et placuit populo excipere viros gloriose et ponere exemplum sermonum eorum in segregatis populi libris ut sit ad memoriam populo Spartiarum exemplum autem horum scripsimus Simoni magno sacerdoti
1Mach 14.24
post haec autem misit Simon Numenium Romam habentem clypeum aureum magnum pondus minarum mille ad statuendam cum eis societatem cum audisset autem populus romanus
1Mach 14.25
sermones istos dixerunt
1Mach 14.26
quam gratiarum actionem reddemus Simoni et filiis eius
1Mach 14.27
restituit enim ipse fratres suos et expugnavit inimicos Israhel et statuerunt ei libertatem et descripserunt in tabulis aereis et posuerunt in titulis in montem Sion
1Mach 14.28
octava decima die mensis elul anno centesimo septuagesimo secundo anno tertio sub Simone sacerdote magno in Asaramel
1Mach 14.29
in conventu magno sacerdotum et populi et principum gentis et seniorum regis nota facta sunt haec quoniam frequenter facta sunt proelia in regione nostra
1Mach 14.30
Simon autem Matthathiae filius ex filiis Iarib et fratres eius dederunt se periculo et restiterunt adversariis gentis suae ut starent sancta ipsorum et lex et gloria magna glorificaverunt gentem suam
1Mach 14.31
et congregavit Ionathas gentem suam et factus est illis sacerdos magnus et adpositus est ad populum suum
1Mach 14.32
et voluerunt inimici eorum calcare et adterere regionem ipsorum et extendere manus in sancta eorum
1Mach 14.33
tunc restitit Simon et pugnavit pro gente sua et erogavit multas pecunias et armavit viros virtutis gentis suae et dedit eis stipendia
1Mach 14.34
et munivit civitates Iudaeae et Bethsuram quae erat in finibus Iudaeae ubi erant arma hostium antea et posuit illic praesidium viros iudaeos
1Mach 14.35
et Ioppen munivit quae erat ad mare et Gazaram quae est in finibus Azoti in qua hostes antea habitabant et conlocavit illic Iudaeos et quaecumque apta erant ad correptionem eorum posuit in eis
1Mach 14.36
et vidit populus actum Simonis et gloriam quam cogitabat facere genti suae et posuerunt ducem suum et principem sacerdotum eo quod ipse fecerat haec omnia et iustitiam et fidem quam conservavit genti suae et exquisivit omni modo exaltare populum suum
1Mach 14.37
et in diebus eius prosperatum est in manibus eius ut tollerentur gentes de regione ipsorum qui in civitate David erant in Hierusalem in arce de qua procedebant et contaminabant omnia quae in circuitu sanctorum sunt et inferebant plagam magnam castitati
1Mach 14.38
et conlocavit in ea viros iudaeos tutamentum regionis et civitatis et exaltavit muros Hierusalem
1Mach 14.39
et rex Demetrius statuit illi summum sacerdotium
1Mach 14.40
secundum haec fecit eum amicum suum et glorificavit eum gloria magna
1Mach 14.41
audivit enim quod appellati sunt Iudaei a Romanis amici et socii et fratres et quia susceperunt legatos Simonis gloriose
1Mach 14.42
et quia Iudaei et sacerdotes eorum consenserunt esse eum ducem suum et summum sacerdotem in aeternum donec surgat propheta fidelis
1Mach 14.43
et ut sit super eos dux et ut cura esset illi pro sanctis et ut constitueret praepositos super opera eorum et super regionem et super arma et super praesidia
1Mach 14.44
et cura sit illi de sanctis et ut audiatur ab omnibus et ut scribantur in nomine eius omnes conscriptiones in regione et ut operiatur purpura et auro
1Mach 14.45
et ne liceat ulli ex populo et ex sacerdotibus irritum facere aliquid horum et contradicere his quae ab eo dicuntur aut convocare conventum in regione sine ipso et vestiri purpura et uti fibula aurea
1Mach 14.46
qui autem fecerit extra haec aut irritum fecerit aliquid horum reus erit
1Mach 14.47
et conplacuit omni populo statuere Simonem et facere secundum verba ista
1Mach 14.48
et suscepit Simon et placuit ut summo sacerdotio fungeretur et esset dux et princeps gentis Iudaeorum et sacerdotum et praeesset omnibus
1Mach 14.49
et scripturam istam dixerunt ponere in tabulis aereis et ponere eas in peribolo sanctorum in loco celebri
1Mach 14.50
exemplum autem eorum ponere in aerario ut habeat Simon et filii eius

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages