Báthory Kristóf vajda a váradi Szent Egyed egyháznak adományozza a biharmegyei Töltelék falut minden tizedével, kilencedével és összes tartozékaival. Kolozsvár. 1576 március 16. Nos Christophorus Báthory de Somlyó, Vaivoda Transsilvaniae et Siculorum Comes etc. Memoriae commendamus… quod nos ad supplicationem fidelium nostrorum nobilium et circumspectorum Petri literati Borsos, notarii civitatis Varadiensis, Sebastiani Zabo et Gregorii literati de Chanad vitricorum videlicet ecclesiae Beati Egidii in dicta civitate Varadiensi in vico Olazi fundatae, aliorum insuper universorum civium et inhabitatorum eiusdem civitatis Varadiensis, antiquam religionem Christianam seu Romanam profitentium, tum vero ex singulari nostra pietate, liberalitate et munificentia, qua erga ecclesiam Dei afficimur, – totalem et integram possessionem Tottelek vocatam, in comitatu Bihariensi existentem habitam, olim ad capitulum ecclesiae Varadiensis pertinentem, sed iuxta constitutionem publicam dominorum regnicolarum in comitiis eorum generalibus anno Domini millesimo quingentesimo quinquagesimo sexto ad restum Beatae Catharinae Virginis in civitate Coloswar, statim post ingressum serenissimorum quondam principum, dominae Isabellae reginae, eiusque filii serenissimi domini loannis Secundi, electi regis Hungariae, felicis recordationis in hoc regnum, – celebratis factum ad fiscum eorundem 389serenissimorum principum applicatam, et cum aliis ecclesiarum bonis redactam, per dictum serenissimum principem loannem Secundum tandem egregio quondam Joanni Horwath de Henczyda collatam, ipso vero loanne Horwath mortuo, rursus ad serenissimum principem dominum Stephanum Dei gratia electum regem Poloniae, magnum ducem Lytvaniae et fratrem nostrum observandissimum, consequenterque ad nos, collationemque nostram devolutam et redactam in usus prediatorum, rectorumque scholae ac ceterorum ministrorum ecclesiae, antiquam religionem seu Romanam profitentium, in civitate Varadiensi constitutorum et constituendorum, modernorum videlicet et futurorum, atque etiam alios usus et fabricam ecclesiae divi Egidii in dicta civitate Varadiensi in vico, ut praemissum est, Olazi vacato fundatae, quam scilicet ecclesiam ipsi antiquae religionis Christiani habent et possident, simul cum decimis et nonis eiusdem possessionis tam tritici, quam vini et aliarum rerum decimari solitarum, ac praeterea cum cunctis suis utilitatibus et pertinentiis quibuslibet… donamus et conferimus iure perpetuo et irrevocabiliter… salvo iure alieno, harum nostrarum vigore et testimonio literarum, quas in formám nostri privilegii redigi faciemus, dum nobis in specie fuerint reportatae.
(Eredeti, papír, a vajda sajátkezű aláírásával s ép pecsétjével. Országos levéltár kincst. oszt. Soc. Jesu Varad, 70. 6. és N. R. 1097. 6. – Ezen oklevél azért is érdekes, mert szerinte Báthory Kristóf márc. 16-án mér vajda holott vajdává választatása eddig csak valószínűleg márc. 23-ra volt tehető Szilágyi S.: Erdélyi országgyűlési emlékek. III. 5. 1.)