2Chron 26

Full text search

2Chron 26
2Chron 26.1
וַיִּקְחוּ כָּל־עַם יְהוּדָה אֶת־עֻזִּיָּהוּ
וְהוּא בֶּנ־שֵׁשׁ עֶשְׂרֵה שָׁנָה
וַיַּמְלִיכוּ אֹתוֺ תַּחַת אָבִיו
אֲמַצְיָהוּ׃
2Chron 26.2
הוּא בָּנָה אֶת־אֵילוֺת וַיְשִׁיבֶהָ
לִיהוּדָה אַחֲרֵי שְׁכַב־הַמֶּלֶך
עִמ־אֲבֹתָיו׃ ף
2Chron 26.3
בֶּנ־שֵׁשׁ עֶשְׂרֵה שָׁנָה עֻזִּיָּהוּ
בְמָלְכוֺ וַחֲמִשִּׁים וּשְׁתַּיִם שָׁנָה
מָלַך בִּירוּשָׁלִָם וְשֵׁם אִמּוֺ 1 יְכִילְיָה 2 יְכָלְיָה
מִנ־יְרוּשָׁלִָ׃
2Chron 26.4
וַיַּעַשׂ הַיָּשָׁר בְּעֵינֵי יְהוָה
כְּכֹל אֲשֶׁר־עָשָׂה אֲמַצְיָהוּ אָבִיו׃
2Chron 26.5
וַיְהִי לִדְרֹשׁ אֱלֹהִים בִּימֵי
זְכַרְיָהוּ הַמֵּבִין בִּרְאֹת הָאֱלֹהִים
וּבִימֵי דָּרְשׁוֺ אֶת־יְהוָה הִצְלִיחוֺ
הָאֱלֹהִים׃ ס
2Chron 26.6
וַיֵּצֵא וַיִּלָּחֶם בַּפְּלִשְׁתִּים וַיִּפְרֹץ
אֶת־חוֺמַת גַּת וְאֵת חוֺמַת יַבְנֵה
וְאֵת חוֺמַת אַשְׁדּוֺד וַיִּבְנֶה
עָרִים בְּאַשְׁדּוֺד וּבַפְּשְׁתִּים׃
2Chron 26.7
וַיַּעְזְרֵהוּ הָאֱלֹהִים עַל־פְּלִשְׁתִּים
וְעַל־הָעַרְבִיִּים 2 הָעַרְבִים הַיֺּשְׁבִים
בְּגוּר־בָּעַל וְהַמְּעוּנִים׃
2Chron 26.8
וַיִּתְּנוּ הָעַמּוֺנִים מִנְחָה לְעֻזִּיָּהוּ
וַיֵּלֶך שְׁמוֺ עַד־לְבוֺא מִצְרַיִם
כִּי הֶחֱזִיק עַד־לְמָעְלָה׃
2Chron 26.9
וַיִּבֶן עֻזִּיָּהוּ מִגְדָּלִים בִּירוּשָׁלִַם
עַל־שַׁעַר הַפִּנָּה וְעַל־שַׁעַר
הַגַּיְא וְעַל־הַמִּקְצוֺעַ וַיְחַזְּקֵם׃
2Chron 26.10
וַיִּבֶן מִגְדָּלִים בַּמִּדְבָּר וַיַּחְצֹב
בֹּרוֺת רַבִּים כִּי מִקְנֶה־רַּב
הָיָה לוֺ וּבַשְּׁפֵלָה וּבַמִּישׁוֺר
אִכָּרִים וְכֹרְמִים בֶּהָרִימוּבַכַּרְמֶל
כִּי־אֹהֵב אֲדָמָה הָיָה׃ ס
2Chron 26.11
וַיְהִי לְעֻזִּיָּהוּ חַיִל עֹשֵׂה מִלְחָמָה
יֺוצְאֵי צָבָא לִגְדוּד בְּמִסְפַּר
פְּקֻדָּתָם בְּיַד 1 יְעוּאֵל 2 יְעִיאֵל
הַסּוֺפֵר וּמַעֲשֵׂיָהוּ הַשֹּׁטֵר עַל
יַד־חֲנַנְיָהוּ מִשָּׂרֵי הַמֶּלֶך׃
2Chron 26.12
כֹּל מִסְפַּר רָאשֵׁי הָאָבוֺת לְגִבּוֺרֵי
חָיִל אַלְפַּיִם וְשֵׁשׁ מֵאוֺת׃
2Chron 26.13
וְעַל־יָדָם חֵיל צָבָא שְׁלֹשׁ מֵאוֺת
אֶלֶף וְשִׁבְעַת אֲלָפִים וַחֲמֵשׁ
מֵאוֺת עוֺשֵׂי מִלְחָמָה בְּכֹחַ חָיִל
לַעְזֺר לַמֶּלֶך עַל־הָאוֺיֵב׃
2Chron 26.14
וַיָּכֶן לָהֶם עֻזִּיָּהוּ לְכָל־הַצָּבָא
מָגִנִּים וּרְמָחִים וְכוֺבָעִים
וְשִׁרְיֺנֺות וּקְשָׁתוֺת וּלְאַבְנֵי
קְלָעִים׃
2Chron 26.15
וַיַּעַשׂ בִּירוּשָׁלִַם חִשְּׁבֹנֺות מַחֲשֶׁבֶת
חוֺשֵׁב לִהְיֺות עַל־הַמִּגְדָּלִים
וְעַל־הַפִּנֺּות לִירוֺא בַּחִצִּים
וּבָאֲבָנִים גְּדֹלוֺת וַיֵּא שְׁמוֺ
עַד־לְמֵרָחוֺק כִּי־הִפְלִיא לְהֵעָזֵר
עַד כִּי־חָזָק׃
2Chron 26.16
וּכְחֶזְקָתוֺ גָּבַהּ לִבּוֺ עַד־לְהַשְׁחִית
וַיִּמְעַל בַּיהוָה אֱלֹהָיו וַיָּבֹא
אֶל־הֵיכַל יְהוָה לְהַקְטִיר עַל־מִזְבַּח
הַקְּטֹרֶת׃
2Chron 26.17
וַיָּבֹא אַחֲרָיו עֲזַרְיָהוּ הַכֹּהֵן
וְעִמּוֺ כֹּהֲנִים לַיהוָה שְׁמוֺנִים
בְּנֵי־חָיִל׃
2Chron 26.18
וַיַּעַמְדוּ עַל־עֻזִּיָּהוּ הַמֶּלֶך
וַיֺּאמְרוּ לוֺ לֹא־לְךָ עֻזִּיָּהוּ
לְהַקְטִיר לַיהוָה כִּי לַכֹּהֲנִים
בְּנֵי־אַהֲרֹן הַמְקֻדָּשִׁים לְהַקְטִיר
צֵא מִנ־הַמִּקְדָּשׁ כִּי מָעַלְתָּ
וְלֹא־לְךָ לְכָבוֺד מֵיְהוָה אֱלֹהִים׃
2Chron 26.19
וַיִּזְעַף עֻזִּיָּהוּ וּבְיָדוֺ מִקְטֶרֶת
לְהַקְטִיר וּבְזַעְפּוֺ עִמ־הַכֹּהֲנִים
וְהַצָּרַעַת זָרְחָה בְמִצְחוֺ לִפְנֵי
הַכֹּהֲנִים בְּבֵית יְהוָה מֵעַל
לְמִזְבַּח הַקְּטֹרֶת׃
2Chron 26.20
וַיִּפֶן אֵלָיו עֲזַרְיָהוּ כֹהֵן
הָרֹאשׁ וְכָל־הַכֹּהֲנִים וְהִנֵּה־הוּא
מְצֹרָע בְּמִצְחוֺ וַיַּבְהִלוּהוּ מִשָּׁם
וְגַמ־הוּא נִדְחַף לָצֵאת כִּינִגְּעוֺ
יְהוָה׃
2Chron 26.21
וַיְהִי עֻזִּיָּהוּ הַמֶּלֶך מְצֹרָע
עַד־יֺום מוֺתוֺ וַיֵּשֶׁב בֵּית 1 הַחָפְשׁוּת 2 הַחָפְשִׁית
מְצֹרָע כִּי נִגְזַר מִבֵּית יְהוָה
וְיֺותָם בְּנֺו עַל־בֵּית הַמֶּלֶך
שׁוֺפֵט אֶת־עַם הָאָרֶץ׃
2Chron 26.22
וְיֶתֶר דִּבְרֵי עֻזִּיָּהוּ הָרִאשֹׁנִים
וְהָאֲחֲרֹנִים כָּתַב יְשַׁעְיָהוּ בֶנ־אָמוֺץ
הַנָּבִיא׃
2Chron 26.23
וַיִּשְׁכַּב עֻזִּיָּהוּ עִמ־אֲבֹתָיו
וַיִּקְבְּרוּ אֹתוֺ עִמ־אֲבֹתָיו בִּשְׂדֵה
הַקְּבוּרָה אֲשֶׁר לַמְּלָכִים כִּי
אָמְרוּ מְצוֺרָע הוּא וַיִּמְך יֺותָם
בְּנֺו תַּחְתָּיו׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages