2Chron 27

Full text search

2Chron 27
2Chron 27.1
בֶּנ־עֶשְׂרִים וְחָמֵשׁ שָׁנָה יֺותָם
בְּמָלְכוֺ וְשֵׁשׁ־עֶשְׂרֵה שָׁנָה מָלַך
בִּירוּשָׁלִָם וְשֵׁם אִמּוֺ יְרוּשָׁה
בַּת־צָדוֺק׃
2Chron 27.2
וַיַּעַשׂ הַיָּשָׁר בְּעֵינֵי יְהוָה
כְּכֹל אֲשֶׁר־עָשָׂה עֻזִּיָּהוּ אָבִיו
רַק לֹא־בָא אֶל־הֵיכַל יְהוָה
וְעוֺד הָעָם מַשְׁחִיתִים׃
2Chron 27.3
הוּא בָּנָה אֶת־שַׁעַר בֵּית־יְהוָה
הָעֶלְיֺון וּבְחוֺמַת הָעֹפֶל בָּנָה
לָרֹב׃
2Chron 27.4
וְעָרִים בָּנָה בְּהַר־יְהוּדָה וּבֶחֳרָשִׁים
בָּנָה בִּירָנִיֺּות וּמִגְדָּלִים׃
2Chron 27.5
וְהוּא נִלְחַם עִמ־מֶלֶך בְּנֵי־עַמּוֺן
וַיֶּחֱזַק עֲלֵיהֶם וַיִּתְּנוּ־לוֺ
בְנֵי־עַמּוֺן בַּשָּׁנָה הַהִיא מֵאָה
כִּכַּר־כֶּסֶף וַעֲשֶׂרֶת אֲלָים כֹּרִים
חִטִּים וּשְׂעוֺרִים עֲשֶׂרֶת אֲלָפִים
זֺאת הֵשִׁיבוּ לוֺ בְּנֵי עַמּוֺן
ס וּבַשָּׁנָה הַשֵּׁנִית וְהַשְּׁלִשִׁית׃
2Chron 27.6
וַיִּתְחַזֵּק יֺותָם כִּי הֵכִין דְּרָכָיו
לִפְנֵי יְהוָה אֱלֹהָיו׃
2Chron 27.7
וְיֶתֶר דִּבְרֵי יֺותָם וְכָל־מִלְחֲמֹתָיו
וּדְרָכָיו הִנָּם כְּתוּבִים עַל־סֵפֶר
מַלְכֵי־יִשְׂרָאֵל וִיהוּדָה׃
2Chron 27.8
בֶּנ־עֶשְׂרִים וְחָמֵשׁ שָׁנָה הָיָה
בְמָלְכוֺ וְשֵׁשׁ־עֶשְׂרֵה שָׁנָה מָלַך
בִּירוּשָׁלִָם׃
2Chron 27.9
וַיִּשְׁכַּב יֺותָם עִמ־אֲבֹתָיו
וַיִּקְבְּרוּ אֹתוֺ בְּעִיר דָּוִיד
וַיִּמְלֹך אָחָז בְּנֺו תַּחְתָּיו׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages