Jona 3

Full text search

Jona 3
Jona 3.1
וַיְהִי דְבַר־יְהוָה אֶל־יֺונָה
שֵׁנִית לֵאמֹר׃
Jona 3.2
קוּם לֵך אֶל־נִינְוֵה הָעִיר
הַגְּדוֺלָה וִּקְרָא אֵלֶיהָ אֶת־הַקְּרִיאָה
אֲשֶׁר אָנֺכִי דֹּבֵר אֵלֶיךָ׃
Jona 3.3
וַיָּקָם יֺונָה וַיֵּלֶך אֶל־נִינְוֶה
כִּדְבַר יְהוָה וְנִינְוֵה הָיְתָה
עִיר־גְּדוֺלָה לֵאלֹהִים מַהֲלַך
שְׁלֹשֶׁת יָמִים׃
Jona 3.4
וַיָּחֶל יֺונָה לָבוֺא בָעִיר מַהֲלַך
יֺום אֶחָד וַיִּקְרָא וַיֺּאמַר
עוֺד אַרְבָּעִים יֺום וְנִינְוֵה
נֶהְפָּכֶת׃
Jona 3.5
וַיַּאֲמִינוּ אַנְשֵׁי נִינְוֵה בֵּאלֹהִים
וַיִּקְרְאוּ־צוֺם וַיִּלְבְּשׁוּ שַׂקִּים
מִגְּדוֺלָם וְעַד־קְטַנָּם׃
Jona 3.6
וַיִּגַּע הַדָּבָר אֶל־מֶלֶד נִינְוֵה
וַיָּקָם מִכִּסְאוֺ וַיַּעֲבֵר אַדַּרְתּוֺ
מֵעָלָיו וַיְכַס שַׂק וַיֵּשֶׁב עַל־הָאֵפֶר׃
Jona 3.7
וַיַּזְעֵק וַיֺּאמֶר בְּנִינְוֵה מִטַּעַם
הַמֶּלֶך וּגְדֹלָיו לֵאמֹר הָאָדָם
וְהַבְּהֵמָה הַבָּקָר וְהַצֹּאן אַל־יִטְעֲמוּ
מְאוּמָה אַל־יִרְעוּ וּמַיִם אַל־יִשְׁתּוּ׃
Jona 3.8
וְיִתְכַּסּוּ שַׂקִּים הָאָדָם וְהַבְּהֵמָה
וְיִקְרְאוּ אֶל־אֱלֹהִים בְּחָזְקָה
וְיָשֻׁבוּ אִישׁ מִדַּרְכּוֺ הָרָעָה
וּמִנ־הֶחָמָס אֲשֶׁר בְּכַפֵּיהֶם׃
Jona 3.9
מִי־יֺודֵעַ יָשׁוּב וְנִחַם הָאֱלֹהִים
וְשָׁב מֵחֲרוֺן אַפּוֺ וְלֹא נֺאבֵד׃
Jona 3.10
וַיַּרְא הָאֱלֹהִים אֶת־מַעֲשֵׂיהֶם
כִּי־שָׁבוּ מִדַּרְכָּם הָרָעָה וַיִּנָּחֶם
הָאֱלֹהִים עַל־הָרָעָה אֲשֶׁר־דִּבֶּר
לַעֲשׂוֺת־לָהֶם וְלֹא עָשָׂה

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages