Ps 10 | Biblia (Vulgata editionis)

Ps 10

Ps 10.1

victori David

Ps 10.2

in Domino speravi quomodo dicitis animae meae transvola in montem ut avis

Ps 10.3

quia ecce impii tetenderunt arcum posuerunt sagittam suam super nervum ut sagittent in abscondito rectos corde

Ps 10.4

quia leges dissipatae sunt iustus quid operatus est

Ps 10.5

Dominus in templo sancto suo Dominus in caelo thronus eius oculi eius vident palpebrae eius probant filios hominum

Ps 10.6

Dominus iustum probat impium autem et diligentem iniquitatem odit anima eius

Ps 10.7

pluet super peccatores laqueos ignis et sulphur et spiritus tempestatum pars calicis eorum

Ps 10.8

quoniam iustus Dominus iustitias dilexit rectum videbunt facies eorum

See what the newspapers have said about this subject in the last 250 years!