Ps 11 | Biblia (Vulgata editionis)

Ps 11

Ps 11.1

victori pro octava canticum David

Ps 11.2

salva Domine quoniam defecit sanctus quoniam inminuti sunt fideles a filiis hominum

Ps 11.3

frustra loquuntur unusquisque proximo suo labium subdolum in corde et corde locuti sunt

Ps 11.4

disperdat Dominus omnia labia dolosa linguam magniloquam

Ps 11.5

qui dixerunt linguam nostram roboremus labia nostra nobiscum sunt quis dominus noster est

Ps 11.6

propter vastitatem inopum et gemitum pauperum nunc consurgam dicit Dominus ponam in salutari auxilium eorum

Ps 11.7

eloquia Domini eloquia munda argentum igne probatum separatum a terra colatum septuplum

Ps 11.8

tu Domine custodies ea servabis nos a generatione hac in aeternum

Ps 11.9

in circuitu impii ambulabunt cum exaltati fuerint vilissimi filiorum hominum

See what the newspapers have said about this subject in the last 250 years!