Ps 94 | Biblia (Vulgata editionis)

Ps 94

Ps 94.1

venite laudemus Dominum iubilemus petrae Iesu nostro

Ps 94.2

praeoccupemus vultum eius in actione gratiarum in canticis iubilemus ei

Ps 94.3

quoniam fortis et magnus Dominus et rex magnus super omnes deos

Ps 94.4

in cuius manu fundamenta terrae et excelsa montium ipsius sunt

Ps 94.5

cuius est mare ipse enim fecit illud et siccam manus eius plasmaverunt

Ps 94.6

venite adoremus et curvemur flectamus genua ante faciem Domini factoris nostri

Ps 94.7

quia ipse est Deus noster et nos populus pascuae eius et grex manus eius

Ps 94.8

hodie si vocem eius audieritis nolite indurare corda vestra

Ps 94.9

sicut in contradictione

Ps 94.10

sicut in die temptationis in deserto ubi temptaverunt me patres vestri probaverunt me et viderunt opus meum

Ps 94.11

quadraginta annis displicuit mihi generatio illa et dixi populus errans corde est

Ps 94.12

et non cognoscens vias meas et iuravi in furore meo ut non introirent in requiem meam

See what the newspapers have said about this subject in the last 250 years!