Ps 95 | Biblia (Vulgata editionis)

Ps 95

Ps 95.1

canite Domino canticum novum canite Domino omnis terra

Ps 95.2

canite Domino benedicite nomini eius adnuntiate de die in diem salutare eius

Ps 95.3

narrate in gentibus gloriam eius in universis populis mirabilia eius

Ps 95.4

quia magnus Dominus et laudabilis nimis terribilis est super omnes deos

Ps 95.5

omnes enim dii populorum sculptilia Dominus autem caelos fecit

Ps 95.6

gloria et decor ante vultum eius fortitudo et exultatio in sanctuario eius

Ps 95.7

adferte Domino familiae populorum adferte Domino gloriam et fortitudinem

Ps 95.8

adferte Domino gloriam nomini eius levate munera et introite in atria eius

Ps 95.9

adorate Dominum in decore sanctuarii paveat a facie eius omnis terra

Ps 95.10

dicite in gentibus Dominus regnavit siquidem adpendit orbem inmobilem iudicabit populos in aequitate

Ps 95.11

laetamini caeli et exultet terra tonet mare et plenitudo eius

Ps 95.12

gaudeat ager et omnia quae in eo sunt tunc laudabunt universa ligna saltus

Ps 95.13

ante faciem Domini quoniam venit quoniam venit iudicare terram iudicabit orbem in iusto et populos in fide sua

See what the newspapers have said about this subject in the last 250 years!