LATINUL
LATINUL
Planctus ante nescia,
Planctu lassor anxia
Crucior dolore;
Orbat orbem radio
Me iudea filio
Gaudio dulcore.
Planctu lassor anxia
Crucior dolore;
Orbat orbem radio
Me iudea filio
Gaudio dulcore.
Fili dulcor unice,
Singulare gaudium,
Matrem flentem respice
Conferens solacium.
Singulare gaudium,
Matrem flentem respice
Conferens solacium.
Quod crimen, que scelera
Gens commisit effera:
Probra, uincla, uerbera,
Sputa, clauos, cetera
Sine culpa patitur.
Gens commisit effera:
Probra, uincla, uerbera,
Sputa, clauos, cetera
Sine culpa patitur.
Nato, queso, parcite,
Matrem crucifigite,
Aut in crucis stipite
Me simul affligite,
Male solus moritur.
Matrem crucifigite,
Aut in crucis stipite
Me simul affligite,
Male solus moritur.
Pectus, mentem, lumina
Tua torquent uulnera
Que mater, que femina
Tam felix, quam misera!
Proh dolor!
Tua torquent uulnera
Que mater, que femina
Tam felix, quam misera!
Proh dolor!
Hinc color effudit oris,
Hinc ruit, hinc fluit
Unda cruoris,
Crucior dolore.
Hinc ruit, hinc fluit
Unda cruoris,
Crucior dolore.
O quis amor corporis
Tibi fecit spolia,
O quam digni pignoris
Tam amara premia!
O quam sero deditus
Tam cito me deseris
O quam digne gemitus
Tam abiecte moreris
Crucior dolore.
Tibi fecit spolia,
O quam digni pignoris
Tam amara premia!
O quam sero deditus
Tam cito me deseris
O quam digne gemitus
Tam abiecte moreris
Crucior dolore.
O pia gracia sic morientis,
O fera dextera crucifigentis,
O lenis inpenis mens pacientis
O zelus, o scelus invide gentis,
Crucior dolore.
O fera dextera crucifigentis,
O lenis inpenis mens pacientis
O zelus, o scelus invide gentis,
Crucior dolore.
O uerum eloquium iusti Symeonis,
Quod promisit gladio
Sencio doloris,
Gemitus, suspiria lacrimeque foris,
Wlneris indicia sunt interioris,
Crucior dolore.
Quod promisit gladio
Sencio doloris,
Gemitus, suspiria lacrimeque foris,
Wlneris indicia sunt interioris,
Crucior dolore.
Parcito proli,
Mors mihi soli
Sola mederis
Morte beate separor a te
Dummodo nate nunc crucieris.
Mors mihi soli
Sola mederis
Morte beate separor a te
Dummodo nate nunc crucieris.
Arcanum Newspapers
See what the newspapers have said about this subject in the last 250 years!
Show me
