Est 11
Est 11
Est 11.1
% anno quarto regnantibus Ptolomeo et Cleopatra % adtulerunt Dositheus qui se sacerdotem et levitici generis ferebat % et Ptolomeus filius eius hanc epistulam Phurim % quam dixerunt interpretatum esse Lysimachum Ptolomei filium in Hierusalem
Est 11.1
% anno secundo regnante Artarxerse maximo = prima die mensis nisan % vidit somnium Mardocheus filius Iahiri filii Semei filii Cis de tribu Beniamin
Est 11.2
% homo iudaeus qui habitabat in urbe Susis = vir magnus et inter primos aulae regiae
Est 11.3
= erat autem de eo numero captivorum % quos transtulerat Nabuchodonosor rex Babylonis de Hierusalem % cum Iechonia rege Iudaeae
Est 11.4
= et hoc eius somnium fuit = apparuerunt voces et tumultus et tonitrua = et terraemotus et conturbatio super terram
Est 11.5
= et ecce duo dracones magni paratique contra se in proelium
Est 11.6
= ad quorum clamorem cunctae concitatae sunt nationes = ut pugnarent contra gentem iustorum
Est 11.7
= fuitque dies illa tenebrarum et discriminis tribulationis et angustiae = et ingens formido super terram
Est 11.8
= conturbataque est gens iustorum timentium mala sua = et praeparata ad mortem
Est 11.9
% clamaveruntque ad Deum = et illis vociferantibus fons parvus crevit in fluvium maximum % et in aquas plurimas redundavit
Est 11.10
= lux et sol ortus est = et humiles exaltati sunt et devoraverunt inclitos
Est 11.11
% quod cum vidisset Mardocheus % et surrexisset de stratu % cogitabat quid Deus facere vellet et fixum habebat in animo = scire cupiens quid significaret somnium
