Ps 62
Ps 62
Ps 62.1
canticum David cum esset in deserto Iuda
Ps 62.2
Deus fortitudo mea tu es de luce consurgam ad te sitivit te anima mea desideravit te caro mea
Ps 62.3
in terra invia et conficiente ac sine aqua sic in sancto apparui tibi ut videam fortitudinem tuam et gloriam tuam
Ps 62.4
melior est enim misericordia tua quam vitae labia mea laudabunt te
Ps 62.5
sic benedicam tibi in vita mea in nomine tuo levabo manus meas
Ps 62.6
quasi adipe et pinguidine implebitur anima mea et labiis laudantibus canet os meum
Ps 62.7
recordans tui in cubili meo per singulas vigilias meditabor tibi
Ps 62.8
quia fuisti auxilium meum in umbra alarum tuarum laudabo
Ps 62.9
adhesit anima mea post te me suscepit dextera tua
Ps 62.10
ipsi vero interficere quaerunt animam meam ingrediantur in extrema terrae
Ps 62.11
congregentur in manus gladii pars vulpium erunt
Ps 62.12
rex autem laetabitur in Deo laudabitur omnis qui iurat in eo quia obstruetur os loquentium mendacium
