a) Reviczky kancellár 1833 január 1-i körirata a nádorhoz, Mérey személynökhöz és Majláth főispánhoz az Országgyűlési Tudósítás...
a) Reviczky kancellár 1833 január 1-i körirata a nádorhoz, Mérey személynökhöz és Majláth főispánhoz az Országgyűlési Tudósításokkal kapcsolatban.
Innotuit Altissimo Loco, quod in plerisque Comitatibus per constitutos collectores subscriptiones praenumerantium pro folio hebdomadali sollicite conquerantur, quod erga anticipationem menstruorum 12 florenorum Ludovicus Kossuth e Comitatu Zempliniensi oriundus, nunc autem ad Comitia Absentium Ablegatus super objectis diaetalibus et rebus in Circulis et sessionibus Comitialibus qualiter actis, qualibet septimana praenumerantibus suis in manuscripto suppeditare promittit.
Intentione memorati Kossuth, juxta praeattactas informationes, eo directa, ut praenumerantes suos summa cum exactitudine scriptotenus periodice de cunctis, quae aguntur, adoceat, vix assequi licet: quomodo is, nisi formale aliquod institutum habilissimorum scriptorum stabilitum fuerit, susceptae obligationi satisfacere queat, ac ideo illa est multorum sententia: in toto hocce negotio seu mystici quid subversari, sive neors etiam artificiosam praenumerantium defraudationem praemeditari. Quidquid sit, si tamen expositio ipse veritate nititur, objectum hocce Serenitatis Vestrae (Illustritatis Vestrae) attentionem nullatenus effugisse plene convincor. Obsequor proinde Altissimo Jussui, dum eandem hisce demisse exorare sustineo (provoco): ut, cum Suae Majestati Sacratissimae de praetensivo manuscripto folio periodico Kossuthiano circumstantialem relationem substernere jubear, me benigno gratiose edocere dignetur (edocere velit), an et quid rei huic subsit?
Qui in reliquo etc.
Viennae, 1. januar 1833.
Ered. fogalm. OL, M. Kanc. eln. 1833: 1.
Ered. tiszt. Nád. Diaet. Extraser. 1833: IV.
Ered. tiszt. Nád. Diaet. Extraser. 1833: IV.
