2Chron 35 | Biblia Hebraica | Reference Library

Full text search

2Chron 35

2Chron 35.1

וַיַּעַשׂ יֺאשִׁיָּהוּ בִירוּשָׁלִַם פֶּסַח
לַיהוָה וַיִּשְׁחֲטוּ הַפֶּסַח בְּאַרְבָּעָה
עָשָׂר לַחֹדֶשׁ הָרִאשׁוֺן׃

Sz K K2 R R2 E D D2 H H# G G# L

2Chron 35.2

וַיַּעֲמֵד הַכֹּהֲנִים עַל־מִשְׁמְרוֺתָם
וַיְחַזְּקֵם לַעֲבוֺדַת בֵּית יְהוָה׃

Sz K K2 R R2 E D D2 H H# G G# L

2Chron 35.3

וַיֺּאמֶר לַלְוִיִּם 1 הַמְּבוּנִים 2 הַמְּבִינִים
לְכָל־יִשְׂרָאֵל הַקְּדוֺשִׁים לַיהוָה
תְּנוּ אֶת־אֲרוֺנ־הַקֹּדֶשׁ בַּבַּיִת
אֲשֶׁר בָּנָה שְׁלֹמֹה בֶנ־דָּוִיד
מֶלֶך יִשְׂרָאֵל אֵינ־לָכֶם מַשָּׂא
בַּכָּתֵף עַתָּה עִבְדוּ אֶת־יְהוָה
אֱלֹהֵיכֶם וְאֵת עַמּוֺ יִשְׂרָאֵל׃

Sz K K2 R R2 E D D2 H H# G G# L

2Chron 35.4

וְהִכּוֺנוּ 2 וְהָכִינוּ לְבֵית־אֲבוֺתֵיכֶם
כְּמַחְלְקוֺתֵיכֶם בִּכְתָב דָּוִיד
מֶלֶך יִשְׂרָאֵל וּבְמִכְתַּב שְׁלֹמֹה
בְנֺו׃

Sz K K2 R R2 E D D2 H H# G G# L

2Chron 35.5

וְעִמְדוּ בַקֹּדֶשׁ לִפְלֻגֺּות בֵּית
הָאָבוֺת לַאֲחֵיכֶם בְּנֵי הָעָם
וַחֲלֻקַּת בֵּית־אָב לַלְוִיִּם׃

Sz K K2 R R2 E D D2 H H# G G# L

2Chron 35.6

וְשַׁחֲטוּ הַפָּסַח וְהִתְקַדְּשׁוּ וְהָכִינוּ
לַאֲחֵיכֶם לַעֲשׂוֺת כִּדְבַר־יְהוָה
בְּיַד־מֹשֶׁה׃ ף

Sz K K2 R R2 E D D2 H H# G G# L

2Chron 35.7

וַיָּרֶם יֺאשִׁיָּהוּ לִבְנֵי הָעָם
צֹאן כְּבָשִׂים וּבְנֵי־עִזִּים
הַכֹּל לַפְּסָחִים לְכָל־הַנִּמְצָא
לְמִסְפַּר שְׁלֹשִׁים אֶלֶף וּבָקָר
שְׁלֹשֶׁת אֲלָפִים אֵלֶּה מֵרְכוּשׁ
הַמֶּלֶך׃ ס

Sz K K2 R R2 E D D2 H H# G G# L

2Chron 35.8

וְשָׂרָיו לִנְדָבָה לָעָם לַכֹּהֲנִים
וְלַלְוִיִּם הֵרִימוּ חִלְקִיָּה וּזְכַרְיָהוּ
וִיחִיאֵל נְגִידֵי בֵּית הָאֱלֹהִים
לַכֹּהֲנִים נָתְנוּ לַסָחִים אַלְפַּיִם
וְשֵׁשׁ מֵאוֺת וּבָקָר שְׁלֹשׁ מֵאוֺת׃

Sz K K2 R R2 E D D2 H H# G G# L

2Chron 35.9

וְכָונַנְיָהוּ 2 וְכָנַנְיָהוּ וּשְׁמַעְיָהוּ
וּנְתַנְאֵל אֶחָיו וַחֲשַׁבְיָהוּ
וִיעִיאֵל וְיֺוזָבָד שָׂרֵי הַלְוִיִּם
הֵרִימוּ לַלְוִיִּם לַפְּסָחִים חֲמֵשֶׁת
אֲלָפִים וּבָקָר חֲמֵשׁ מֵאוֺת׃

Sz K K2 R R2 E D D2 H H# G G# L

2Chron 35.10

וַתִּכּוֺן הָעֲבוֺדָה וַיַּעַמְדוּ הַכֹּהֲנִים
עַל־עָמְדָם וְהַלְוִיִּם עַל־מַחְלְקוֺתָם
כְּמִצְוַת הַמֶּלֶך׃

Sz K K2 R R2 E D D2 H H# G G# L

2Chron 35.11

וַיִּשְׁחֲטוּ הַפָּסַח וַיִּזְרְקוּ הַכֹּהֲנִים
מִיָּדָם וְהַלְוִיִּם מַפְשִׁיטִים׃

Sz K K2 R R2 E D D2 H H# G G# L

2Chron 35.12

וַיָּסִירוּ הָעֹלָה לְתִתָּם לְמִפְלַגֺּות
לְבֵית־אָבוֺת לִבְנֵי הָעָם לְהַקְרִיב
לַיהוָה כַּכָּתוּב בְּסֵפֶר מֹשֶׁה
וְכֵן לַבָּקָר׃

Sz K K2 R R2 E D D2 H H# G G# L

2Chron 35.13

וַיְבַשְּׁלוּ הַפֶּסַח בָּאֵשׁ כַּמִּשְׁפָּט
וְהַקֳּדָשִׁים בִּשְּׁלוּ בַּסִּירוֺת
וּבַדְּוָדִים וּבַצֵּלָחוֺת וַיָּרִיצוּ
לְכָל־בְּנֵי הָעָם׃

Sz K K2 R R2 E D D2 H H# G G# L

2Chron 35.14

וְאַחַר הֵכִינוּ לָהֶם וְלַכֹּהֲנִים
כִּי הַכֹּהֲנִים בְּנֵי אַהֲרֹן בְּהַעֲלוֺת
הָעוֺלָה וְהַחֲלָבִים עַד־לָיְלָה
וְהַלְוִיִּם הֵכִינוּ לָהֶם וְלַכֹּהֲנִים
בְּנֵי אַהֲרֹן׃

Sz K K2 R R2 E D D2 H H# G G# L

2Chron 35.15

וְהַמְשֹׁרֲרִים בְּנֵי־אָסָף עַל־מַעֲמָדָם
כְּמִצְוַת דָּוִיד וְאָסָף וְהֵימָן
וִידֻתוּן חוֺזֵה הַמֶּלֶך וְהַשֹּׁעֲרִים
לְשַׁעַר וָשָׁעַר אֵין לָהֶם לָסוּר
מֵעַל עֲבֹדָתָם כִּי־אֲחֵיהֶם הַלְוִיִּם
הֵכִינוּ לָהֶם׃

Sz K K2 R R2 E D D2 H H# G G# L

2Chron 35.16

וַתִּכּוֺן כָּל־עֲבוֺדַת יְהוָה
בַּיֺּום הַהוּא לַעֲשׂוֺת הַפֶּסַח
וְהַעֲלוֺת עֹלוֺת עַל מִזְבַּח יְהוָה
כְּמִצְוַת הַמֶּלֶך יֺאשִׁיָּהוּ׃

Sz K K2 R R2 E D D2 H H# G G# L

2Chron 35.17

וַיַּעֲשׂוּ בְנֵי־יִשְׂרָאֵל הַנִּמְצְאִים
אֶת־הַפֶּסַח בָּעֵת הַהִיא וְאֶת־חַג
הַמַּצּוֺת שִׁבְעַת יָמִים׃

Sz K K2 R R2 E D D2 H H# G G# L

2Chron 35.18

וְלֹא־נַעֲשָׂה פֶסַח כָּמֹהוּ בְּיִשְׂרָאֵל
מִימֵי שְׁמוּאֵל הַנָּבִיא וְכָל־מַלְכֵי
יִשְׂרָאֵל לֹא־עָשׂוּ כַּפֶּסַח אֲשֶׁר־עָשָׂה
יֺאשִׁיָּהוּ וְכֹּהֲנִים וְהַלְוִיִּם
וְכָל־יְהוּדָה וְיִשְׂרָאֵל הַנִּמְצָא
וְיֺושְׁבֵי יְרוּשָׁלִָם׃ ס

Sz K K2 R R2 E D D2 H H# G G# L

2Chron 35.19

בִּשְׁמוֺנֶה עֶשְׂרֵה שָׁנָה לְמַלְכוּת
יֺאשִׁיָּהוּ נַעֲשָׂה הַפֶּסַח הַזֶּה׃

Sz K K2 R R2 E D D2 H H# G G# L

2Chron 35.20

אַחֲרֵי כָל־זֺאת אֲשֶׁר הֵכִין
יֺאשִׁיָּהוּ אֶת־הַבַּיִת עָלָה נְכוֺ
מֶלֶכְ־מִצְרַיִם לְהִלָּחֵם בְּכַרְכְּמִישׁ
עַל־פְּרָת וַיֵּצֵא לִקְרָאתוֺ יֺאשִׁיָּהוּ׃

Sz K K2 R R2 E D D2 H H# G G# L

2Chron 35.21

וַיִּשְׁלַח אֵלָיו מַלְאָכִים לֵאמֹר
מַה־לִּי וָלָך מֶלֶך יְהוּדָה
לֹא־עָלֶיךָ אַתָּה הַיֺּום כִּי אֶל־בֵּית
מִלְחַמְתִּי וֵאלֹהִים אָמַר לְבַהֲלֵנִי
חֲדַל־לְךָ מֵאֱלֹהִים אֲשֶׁר־עִמִּי
וְאַל־יַשְׁחִיתֶךָ׃

Sz K K2 R R2 E D D2 H H# G G# L

2Chron 35.22

וְלֹא־הֵסֵב יֺאשִׁיָּהוּ פָנָיו
מִמֶּנּוּ כִּי לְהִלָּחֵמ־בּוֺ הִתְחַפֵּשׂ
וְלֹא שָׁמַע אֶל־דִּבְרֵי נְכוֺ
מִפִּי אֱלֹהִים וַיָּבֹא לְהִלָּחֵם
בִקְעַת מְגִדּוֺ׃

Sz K K2 R R2 E D D2 H H# G G# L

2Chron 35.23

וַיֺּרוּ הַיֺּרִים לַמֶּלֶך יֺאשִׁיָּהוּ
וַיֺּאמֶר הַמֶּלֶך לַעֲבָדָיו הַעֲבִירוּנִי
כִּי הָחֳלֵיתִי מְאֹד׃

Sz K K2 R R2 E D D2 H H# G G# L

2Chron 35.24

וַיַּעֲבִירֻהוּ עֲבָדָיו מִנ־הַמֶּרְכָּבָה
וַיַּרְכִּיבֻהוּ עַל רֶכֶב הַמִּשְׁנֶה
אֲשֶׁר־לוֺ וַיֺּולִיכֻהוּ יְרוּשָׁלִַם
וַיָּמָת וַיִּקָּבֵר בְּבְרוֺת אֲבֹתָיו
וְכָל־יְהוּדָה וִירוּשָׁלִַם מִתְאַבְּלִים
עַל־יֺאשִׁיָּהוּ׃ ף

Sz K K2 R R2 E D D2 H H# G G# L

2Chron 35.25

וַיְקוֺנֵן יִרְמְיָהוּ עַל־יֺאשִׁיָּהוּ
וַיֺּאמְרוּ כָל־הַשָּׁרִים וְהַשָּׁרוֺת
בְּקִינֺותֵיהֶם עַל־יֺאשִׁיָּהוּ
עַד־הַיֺּום וַיִּתְּנוּם לְחֹק עַל־יִרָאֵל
וְהִנָּם כְּתוּבִים עַל־הַקִּינֺות׃

Sz K K2 R R2 E D D2 H H# G G# L

2Chron 35.26

וְיֶתֶר דִּבְרֵי יֺאשִׁיָּהוּ וַחֲסָדָיו
כַּכָּתוּב בְּתוֺרַת יְהוָה׃

Sz K K2 R R2 E D D2 H H# G G# L

2Chron 35.27

וּדְבָרָיו הָרִאשֹׁנִים וְהָאַחֲרֹנִים
הִנָּם כְּתוּבִים עַל־סֵפֶר מַלְכֵי־יִשְׂרָאֵל
וִיהוּדָה׃

Sz K K2 R R2 E D D2 H H# G G# L

Noviny Arcanum

Zaujíma Vás, čo o tejto téme písali noviny za posledných 250 rokov?

Zobraziť