1Co 7
1Co 7
1Co 7.1
de his autem quae idolis sacrificantur scimus quia omnes scientiam habemus scientia inflat caritas vero aedificat
1Co 7.2
si quis se existimat scire aliquid nondum cognovit quemadmodum oporteat eum scire
1Co 7.3
si quis autem diligit Deum hic cognitus est ab eo
1Co 7.4
de escis autem quae idolis immolantur scimus quia nihil est idolum in mundo et quod nullus Deus nisi unus
1Co 7.5
nam et si sunt qui dicantur dii sive in caelo sive in terra siquidem sunt dii multi et domini multi
1Co 7.6
nobis tamen unus Deus Pater ex quo omnia et nos in illum et unus Dominus Iesus Christus per quem omnia et nos per ipsum
1Co 7.7
sed non in omnibus est scientia quidam autem conscientia usque nunc idoli quasi idolothytum manducant et conscientia ipsorum cum sit infirma polluitur
1Co 7.8
esca autem nos non commendat Deo neque si non manducaverimus deficiemus neque si manducaverimus abundabimus
1Co 7.9
videte autem ne forte haec licentia vestra offendiculum fiat infirmibus
1Co 7.10
si enim quis viderit eum qui habet scientiam in idolio recumbentem nonne conscientia eius cum sit infirma aedificabitur ad manducandum idolothyta
1Co 7.11
et peribit infirmus in tua scientia frater propter quem Christus mortuus est
1Co 7.12
sic autem peccantes in fratres et percutientes conscientiam eorum infirmam in Christo peccatis
1Co 7.13
quapropter si esca scandalizat fratrem meum non manducabo carnem in aeternum ne fratrem meum scandalizem
